最近3日冇番工
陪左老婆行街街^^

今個月終於買左部電話比老婆..=]
s0rry老婆...甘耐先買到比你^^
希望你唔好介意

今日去左間就黎結束營業既鋪頭買野[U-Right]
買左2件衫...一條褲都唔洗200蚊
之後又買左對鞋
再加埋琴日係mk買既野
總共大約5百蚊到^^

仲有一個月...我地個bb就出世啦
好緊張...甘快就做爸爸...唔知點甘..嘻嘻
好想快d見到我地個bb呀

今朝好似平時甘...晏一晏先起身xD
番到公司10點幾...hea下hea下甘又一日^____^
番左工甘耐未試過好似今日甘興囉...\_______/
比老闆娘話我地冇料到囉
甘勁就唔洗請人啦
成日搶晒d野又唔放手
自己錯就話自己老
我地做錯就周圍唱
正狗西!!!
成日以為自己係公司好重要..=.=
個個月月尾既月結咪又係我地自己搞掂
你邊有做過野呀...靜係識去街..睇報紙
周圍同人講月尾唔得閒..要係公司做月結
真係笑大人個口呀...=[]=

唔經唔覺我離開左英華第2年啦..^___________^
係一間公司做左1年野...依1年我仲成日唔番工...=.=
搞到個個出糧都唔夠數
自從3月..我老婆開始有bb
我地仲決定左生佢出黎^____^
1年前...我有好多朋友...有個好令既妹..>w<
但係自從我冇讀書之後...我d同學冇咩點搵我啦...@@
1年之後...我朋友少左好多...上個月我妹為情自殺
我就甘冇左個妹...好傷心
因為我應承左佢既野冇做比佢睇T^T
佢唔開心我都幫唔到佢
我唯一可以做既...就係

9月開始番齊工...搵多D錢養老婆
養大我個仔...等我妹在天之靈見到我個仔肥肥白白
妹...我會應承你照顧嫂嫂同我個BB

依排公司少左好多生意
我老細依排都係靠幫人加工野搵錢
有幾間公司都冇同我地攞貨

依個月我日日都有番工啦
番齊依個月加人工

小0ne...加油哇...>﹏<